http://ontour.wandeler.ch de-ch Sat, 18 Jun 2011 14:44:11 +0200 Sat, 18 Jun 2011 14:44:11 +0200 http://blogs.law.harvard.edu/tech/rss pfCMS2.0 webmaster@wandeler.ch webmaster@wandeler.ch http://ontour.wandeler.ch/index.php?page=blog&id=169&lang=de
Well ich jo ebe seekrank wird, bini eifach 48 Stund mit der dopplete Ration an Seasicknesspille flach im Bett glege...und ha mi vo mim Ma bediene loh... Dr' Nesti isch nämlich tapfer ufgstande... obwohl mängisch isch au er zruck ins Zimmer z'seckle cho und hett sich grad no rechtzitig chönne anelege.

Im Spiissaal sins schins au immer weniger Lüt worde. Numme s'Personal hett no unermüdlich miteme Lächle serviert. Wie mache die das echt?

Wo mir endlich im Beagle Canal acho sin, sin langsam alli Lüt, au ich, wieder us dr Koje zkroche cho... und do hämir gmerkt, dass jede so sini individuelli Gschicht mit em "Drake Shake" gha hett...und ich/mir sin glaub no guet wegcho! :-)





]]> Mon, 06 Dec 2010 16:39:15 +0100 http://ontour.wandeler.ch/index.php?page=blog&id=169&lang=de http://ontour.wandeler.ch/index.php?page=blog&id=168&lang=de
Mir nit. Mir sin em Strand entlang gloffe und hän die Hüttene vo de ehemolige Walfänger, wo do abe cho sin in der Hoffnig ufs grosse Geld, agluegt. Also abgseh vo der hütige Istellig zum Thema Walfang sin das echt armi Sieche gsi... so bitter kalt und ungmüetlig wie das cha werde...

Mir sin froh gsi, womir wieder ufem Schiff am trockene gsi sin, und dört mitere warme Schoggi begrüesst worde sin.

Das isch denn au unsere letschte Halt gsi in der Antarktis, well am Nomittag isches denn endgültig so schlecht worde mitem Wetter, dass kei witers Landing meh möglich gsi isch.

Me muess doderzue sage, dass d'Crew wirklich der Hammer gsi isch, und sie au bi schlechte Bedingige immer en Weg gfunde hän, uns irgendwie an Land zbringe, au wenn sie hän müesse Stege in Schnee baue und ähnliches!

Zrugg bim Schiff sinmir immer vo zwei Philippinos vo der Crew bim zruckklettere unterstützt worde, super, immer hän sie uns scho d'Händ miteme Lächle entgegegstreckt, und gmeint "welcome back on Board!". Eifach genial gsi, die Crew!]]> Mon, 06 Dec 2010 16:26:24 +0100 http://ontour.wandeler.ch/index.php?page=blog&id=168&lang=de http://ontour.wandeler.ch/index.php?page=blog&id=167&lang=de England machts möglich!

Zmitzt in der Antarktis gihts e chleins Huus wo ehemals e Forschigsstation gsi isch, wo hüt e Museum samt Shop isch. E Shop wome cha ichaufe, und wome cha Poschtkarte ufgäh. Bis die achöme gohts allerdings 2 Mönet, also münd Dir alli no bitz warte, aber wenn bechunnt me scho e Poschtkarte us der Antarktis, also hänmir denkt, müendir halt bitz warte!

Und ebe es hett e Shop... wo vo Engländer betriebe wird, wo dört higön und es Ziitli bliebe und Sache verkaufe.

Well numme 60 Lüt ufs Mol dört anechöne, und wells uf der MS Expedition offebar in der Vergangeheit eso gsi isch, dass immer alli nume hän welle go shope und uf die anderi Insle, wo me no higoht nit, hän sie müesse es neus System ifüere. Jetzt erfahrt me erscht ufem Gummibötli, wohi me goht, also ob me zerscht goht go shoppe oder go Pinguin luege... so dass me nit cha bschiesse... :-) hani witzig gfunde, well ich ha eigentlich au numme welle go shoppe...

]]> Mon, 06 Dec 2010 16:23:16 +0100 http://ontour.wandeler.ch/index.php?page=blog&id=167&lang=de http://ontour.wandeler.ch/index.php?page=blog&id=166&lang=de
D'Iisberge hän uns scho sehr beidruckt. Vorallem womir mitem Zodiac sone Schtund derdur gfahre sin. Iisberge sin so ganz hellblau... richtig schön wenme sie aluegt vo nochem... obwohl ich so bim durefahre Titanic nie ganz ha chönne vergesse... wenn me nämlich au merkt, wie chalt das Wasser isch, wo die Iisberge drin schwimme... brrr..

Uf eim "Cruise" hänmir au no en Leopard Seal gseh, wo so ganz neugierig ums Zodiac umegschwumme isch, und uns agluegt hett, das isch au ganz e spezielli Begegnig gsi.

Und eimol hänmir vom Schiff us ufeme Iisberg zwei Seeleue gseh, wo grad Liebi gmacht hän... Jö... und das in dere Chälti ;-)

]]> Mon, 06 Dec 2010 16:21:11 +0100 http://ontour.wandeler.ch/index.php?page=blog&id=166&lang=de http://ontour.wandeler.ch/index.php?page=blog&id=165&lang=de
Well die nit im gliche ewige Iis deheime sin. In der Antarktis hetts Pinguin, und zwar nit numme es Paar, sondern Millione! So zmindischtens isches uns vorkoh...! Ich hoff, ich cha in Zuekunft Arktis und Antarktis usenanderhalte jetzt woni dört gsi bi... aber ich cha nüt verspreche!

Die Pinguin sin au wirklich allerherzigscht. Zu dere Ziit womir dört gsi sin, sin sie grad am Neschter baue gsi, und es paar hän je nach Insle und Schneestand au scho brüetet. Und bim Neschterbaue zuezluege isch eifach super luschtig gsi. So sinmir amigs eifach im Schnee gsesse und hän e Schtund zuegluegt... Doderbi isch uns eins ufgfalle, die Pinguin die klaue dases tätscht. Worum selber am Strand gone Stei hole, wenn de im Nescht nebedra scho eine gholt hett. Also schnell e Schtei em andere Pinguin wegschnappe, ufem Buch der Hang derabrutsche, und uf der andere Siite wieder uferenne, und eifach hoffe, dass me schneller isch als der anderi wenn des merkt und hinter ein her rennt. So luschtig.

Mir hän verschiedeni Arte gseh: Gentoo, Ginstrap und Adelie Pinguin. Die womir deheime am beschte kenne, d'Kaiserpinguin, chame in der Antarktis quasi nit gseh, well anders als alli andere Pinguin tüen die im antarktische Winter an Land brüete und gön im antarktische Summer, also denn wenn alli Expeditione sin, weg. Die chame also leider nit gseh, zmindischtens nit als normale Tourischt.

So jetzt schriebi nüm mehr, well eigentlich findi spreche d'Bilder au für sich! :-)

]]> Mon, 06 Dec 2010 16:16:54 +0100 http://ontour.wandeler.ch/index.php?page=blog&id=165&lang=de